АҚШнинг Теннесси штатида жойлашган Чаттануга шаҳрида содир бўлган отишма оқибатида яраланган денгиз пиёда аскарларидан бири ҳалок бўлди, деб хабар бермоқда Meduza.
Шундай қилиб, 16 июль куни содир бўлган отишма қурбонлари сони беш кишига етди. АҚШнинг асли қувайтлик 24 ёшли фуқароси Муҳаммад Юсуф Абдулазиз шаҳардаги армияга чақириқ пункти ва Ҳарбий денгиз кучлари захираси марказида ўт очиши оқибатида тўрт нафар денгиз пиёда аскари воқаэа жойида ҳалок бўлган эди.
Муҳаммад Юсуф Абдулазиз полиция ходимлари томонидан отиб ташланган. Унинг ҳаракатларига нима сабаб бўлгани ҳозирча номаълум. АҚШ ҳуқуқни муҳофаза қилувчи органлари вакилларининг сўзларига кўра, унинг террорчилик ташкилотлари билан алоқаси тўғрисида ҳеч қандай маълумот йўқ.
Изоҳ (0)