Ўзбекистон олимпия терма жамоаси «Пахтакор»га мағлуб бўлди

16 июль куни Тошкентдаги илк йиғини якунида Виктор Жалилов бошчилигидаги Ўзбекистон олимпия терма жамоаси «Пахтакор» клубига қарши ўртоқлик учрашуви ўтказди, деб хабар қилади Ўзбекистон футбол федерацияси матбуот хизмати.

16 июль куни «Жар» стадионида бўлиб ўтган учрашувда олимпия терма жамоаси кичик — 0:1 ҳисобида мағлуб бўлди.

Учрашувдаги ягона голни биринчи бўлим сўнгида «Пахтакор» сардори Кахи Махарадзе киритди. Иккинчи бўлимда ҳар икки жамоа гол уриш учун етарлича вазиятлар яратган бўлишига қарамай, ушбу ҳисоб ўзгармай қолди.

Ўзбекистон ОТЖ – «Пахтакор» 0:1Гол: Кахи Махарадзе

Ўзбекистон ОТЖ: А. Турсунбоев, Р. Ашурматов, Ж. Мирабдуллаев, М. Фомин, А. Олимов, Қ. Рўзиев, О. Шукуров, Ж. Машарипов, Ш. Норбеков, М. Бобожонов, Ш. ДостоновЗахира: А. Омонов, Д. Турсунов, И. Шойқулов, Т. Ҳакимов, М. Ражабов, Т. Аюпов, Раҳматуллаев, К. Шарофутддинов, Н. Ефременко, И. Исоқжонов.

«Пахтакор»: А. Лобанов, К. Махарадзе, С. Андреев, Ш. Каримов, А. Исматуллаев, А.Мерзляков, Д. Ҳошимов, И. Сергеев, Ж. Сидиқов, А. Ораховац, В. Козак.Захира: Н. Рибкин, А. Отахонов, Н. Юлдашев, С. Давлатжонов, Т. Толипов, С. Нуриллаев, Р.Шарофиддинов, Д. Шарофутдинов.

Эслатиб ўтамиз, Ўзбекистон олимпия терма жамоаси йиғин давомида 13 июль куни «Машъал»ни мағлуб этганди.