«Барселона» клуби ва Аргентина терма жамоаси ҳужумчиси Лионель Месси ESPY совринига лойиқ кўрилди. Ушбу соврин йилнинг энг яхши хорижлик (Шимолий Америкадан бўлмаган) спортчисига берилади, деб хабар қилади «Uff.uz».
Шу ўринда таъкидлаш лозим, Мадриднинг «Реал» клуби ҳужумчиси Криштиану Роналду бу борада фақат бешинчи ўринни эгаллаган. Лионель Месси ўтган мавсум Испания чемпионати, мамлакат Кубоги ва Чемпионлар лигасида ғолиб чиққан эди. Бундан ташқари, у Аргентина терма жамоаси билан Америка Кубоги финалига қадар етиб борган ва Чилига мағлуб бўлган.
Месси Испания чемпионати ва Чемпионар лигасида 51 та ўйин ўтказиб, 53 та гол урган ва 27 та голли узатмага муаллифлик қилган. Америка Кубогида эса 6 ўйинда битта гол уриб, 3 та голли узатмани амалга оширди.
Мукофот учун теннисчи Новак Жокович, Формула-1 пойгачиси Льюис Хэмилтон ва гольфчи Лидия Ко ҳам даъвогарлик қилганди.
Изоҳ (0)