Misrdagi Italiya konsulligi oldida avtomobil portladi

Qohiradagi Italiya konsulligi yaqinida portlash yuz berdi. “Novaya gazeta” xabariga ko‘ra, diplomatik missiya yaqinida qoldirib ketilgan avtomobil portlagan.

Dastlabki ma’lumotlarga ko‘ra, transport vositasiga portlovchi uskuna o‘rnatilgan bo‘lgan.

“RIA Novosti” ma’lumotlariga ko‘ra, hodisa natijasida uch o‘tkinchi va ikki politsiya xodimi yaralangan. CNN bir kishi halok bo‘lgani haqida xabar bermoqda.

Portlash natijasida yerosti suv quvuriga zarar yetgan, oqibatda konsullikka qo‘shni ko‘chani suv bosgan.

Hozircha hech bir terrorchi guruh mazkur terakt uchun javobgarlikni o‘z bo‘yniga olgani yo‘q.