Бенитес Роналду билан яхши муносабатларни ўрнатиб олишга интилмоқда
Мадриднинг «Реал» клуби бош мураббийи Рафаэль Бенитес, жамоа мавсумга тайёргарликни ҳали бошмаган бўлса-да, ишга киришиб бўлди. Бу ҳақда Marca нашрига таяниб, «Uff.uz» хабар қилмоқда.
«Реал» янги устози 10 июль куни клуб спорт базасида шогирдлари билан учрашади. Манба маълумотларига кўра, Криштиану Роналду билан тегишли алоқаларни ўрнатиб олишни Бенитес биринчи галдаги вазифа, деб ҳисобламоқда. Шу муносабат билан мураббий Португалия терма жамоаси ўйинчиси билан мулоқотда бўлмоқчи.
Бенитес телефон орқали Роналду ва бошқа футболчилар билан гаплашиб олганди, бироқ португалиялик футболчи билан юзма-юз суҳбат қурмоқчи. Бенитес жамоа билан боғлиқ режалари ҳақида Роналдуни бохабар қилади. Бундан ташқари, Роналду ҳам Бенитес уни майдоннинг қайси нуқтасида кўрмоқчи эканлигини билиб олади.
