«Барселона» клуби «Атлетико» футболчиси Арда Туран билан келишувга эришганини эълон қилди, деб хабар беради «Championat.asia».
Ҳар иккала клуб футболчининг трансфери бўйича музокараларни якунлади. «Атлетико» Арда Туранни 34 миллион евро эвазига сотишга рози бўлди. Шунингдек, бонус тариқасида «матрасчилар» Тураннинг иштирокига қараб, 7 миллион евро ишлаб олиши мумкин. Футболчи яқин кунлар ичида тиббий кўрикдан ўтади.
Шартномада Арда Туранни «Барселона»нинг янги президенти «Атлетико»нинг ўзига 30,6 миллион еврога қайтариб сотиши мумкинлиги кўрсатилган.