Бугун, 1 июль куни Қозоғистоннинг баъзи каналлари мамлакат президенти ҳақидаги ҳужжатли фильмни эфирга узатади, дея хабар бермоқда «Nur.kz». Бироқ фильмдан парчалар интернетда тарқалиб улгурди.
Улардан бирида Нурсултон Назарбоев ўз куёви Роҳат Алиевни жинояти учун жавобгар қилганини эсга олди.
«Нима учун одамлар уч неварамнинг отасини қамаб қўйганимни унутиб юборди? Улар кўзида ёш билан ёнимга келмаган, деб ўйлашадими? Келган. Мени ташвиш чекмаган, деб ўйлашадими? Албатта ташвиш чекканман. Лекин бу ҳаддан ошиш эканлигини аниқ кўргач, тўхтамадим. Қариндошлар йиғилишиб, мени кўндирмоқчи бўлди. Ҳаммаси менинг қўлимда эканлигини рўкач қилиб, ишни босди-босди қилишни сўради. Мен барча қариндошларим, фарзандларим, дўстларимни бу ерда дахлсизлар бўлмаслиги ҳақида огоҳлантираман. Бутун мамлакат олдида! Телевизор орқали!» — дея таъкидлади президент.
Эслатиб ўтамиз, Роҳат Алиев Қозоғистондаги «Нурбанк» раҳбарларини ўлдириш ва мол-мулкни талон-тарож қилиш иши бўйича Австрия қамоқхонасига жойлаштирилган, 2015 йил 24 февралда эса ўз камерасида осилган ҳолда топилган эди.
Изоҳ (0)