АҚШ бутун дунё бўйича яна виза бера бошлади, дея хабар бермоқда «Корреспондент.net» АҚШ Давлат департаментига таяниб.
Давлат департаменти матбуот котиби Марк Тонер сўзларига кўра, 21—29 июннинг ўзидаёқ муҳожир бўлмаганлар учун 410 мингта виза берилган ва, шу тариқа, рухсат берувчи ҳужжатлар олиш учун юзага келган навбат деярли бартараф этилган.
Эслатиб ўтамиз, аввалроқ бутун жаҳон бўйича АҚШ элчихоналарида, техник муаммолар сабаб, визалар берилиши вақтинча тўхтатилгани хабар берилган, носозликка консулликларнинг маълумот омборларини сақловчи ускунанинг ишламай қолгани сабаб бўлганлиги тахмин қилинган эди.
Изоҳ (0)