Дипломатик ваколати тугаётган Швейцария Конфедерациясининг Ўзбекистондаги Фавқулодда ва Мухтор Элчиси Николя Брюль билан «Жаҳон» АА мухбири суҳбатлашди, деб хабар беради «12news.uz».
«Мен ҳар доим сизнинг мамлакатингизда бўлган вақтларимни илиқлик ва меҳр билан эслаб қоламан. Ўзбекистон халқи самимийлиги, кўнгилчанлиги ва очиқлилиги билан ажралиб туради. Бу сиз билан муносабат ва ҳамкорликни янада осон ва ёқимли қилади», — деди Николя Брюль.
Элчи яна Самарқанд, Бухоро ва Хива каби Ўзбекистоннинг қадимий шаҳарларининг гўзаллиги ва улуғворлиги ҳақида алоҳида тўхталиб ўтди. Николя Брюль бой тарихга эга бўлган Ўзбекистон жадал суръатларда ривожланиб бораётганини таъкидлаб ўтди.
«Мени айниқса Ўзбекистон ва Швейцария ўртасидаги муносабатларнинг ривожланиб бораётгани қувонтирмоқда. Шуни таъкидлаб ўтмоқчиманки, бир неча кундан кейин савдо-иқтисодий ҳамкорлик бўйича Швейцария ва Ўзбекистон ҳукуматлараро комиссиясининг йиғилиши бўлиб ўтади».
Изоҳ (0)