Европа Иттифоқининг Россияга нисбатан жазо санкцияларини 2016 йил 31 январига қадар узайтириш ҳақидаги ҳужжат Евроиттифоқнинг расмий журналида эълон қилинди. RBC.ru’нинг хабар беришича, ҳужжат чоп этилган санадан бошлаб санкцияларнинг амал қилишини узайтириш ҳақидаги қарор кучга кирди.
Санкцияларни узайтириш ҳақидаги қарор Европа Иттифоқи мамлакатларининг Брюсселдаги доимий вакиллари билан 17 июнь куни келишилган ва 22 июнь куни Евроиттифоқ мамлакатлари ташқи ишлар вазирлари учрашувида тасдиқланган. Европа Иттифоқи санкцияларнинг узайтирилиши Россия томонидан Минск келишувлари талаблари тўлиқ бажарилмаётгани билан боғлиқ эканлигини маълум қилди.
Россия бош вазири Дмитрий Медведев 22 июнь куни, Европа санкциялари 2016 йил январь ойи охирига қадар узайтирилганига жавобан Европа озиқ-овқат маҳсулотларига нисбатан Россия томонидан жорий этилган эмбарго ҳам шу давргача узайтирилишини маълум қилди.
Изоҳ (0)