Чеченистонда «қонундаги ўғрилар»нинг йиғилиши бўлиб ўтди. RBC.ru’нинг хабар беришича, йиғилиш 2013 йили Қирғизистондаги қамоқдан муддатидан аввал чиқарилган Азиз Батукаев томонидан ташкил этилган бўлиши мумкин.
«Росбалт»нинг хабар беришича, Чеченистондаги йиғилишга Москвадан тўрт нафар «қонундаги ўғри», жумладан, Олег Шишканов (Шишкан) мафиясининг славян қаноти етакчиларидан бири ҳам ташриф буюрган.
Учрашувда криминал ҳамжамиятда чечен вакиллари сонини ошириш масалаласи, шунингдек, нуфузли чечен оиласининг қонли қаҳрига учраган «қонундаги ўғри» Кахабер Парпалия (Каха)нинг тақдири муҳокама қилинган.
Йиғилиш қатнашчилари яқин ойлар ичида криминал ҳамжамият вакилларининг янада кенгроқ учрашувини ташкил этиш масаласини ҳам кўриб чиқишган.
Чеченистон ҳукумати, шунингдек, минтақавий ҳуқуқни муҳофаза қилиш органлари «қонундаги ўғрилар»нинг мазкур учрашуви ҳақида расман ҳеч қандай ахборот бергани йўқ.
Изоҳ (0)