2015 йил 20 июнь санасидан Ўзбекистондаги барча олий таълим муассасаларида қабул комиссиялари ўз фаолиятини бошлади.
Қарийб икки ой мобайнида Ўзбекистон ёшлари орасидаги энг оммабоп мавзу айнан ОТМларга қабул қилиш жараёни билан боғлиқ бўлиши шубҳасиз.
Шуни инобатга олиб, «Дарё» ва Xushnudbek.Uz сайти махсус «Абитуриент-2015» лойиҳасини ташкил этди. Лойиҳага www.xushnudbek.uz/abituriyent-2015 манзили орқали кириш мумкин.
Бунда қабул комиссияси фаолияти билан боғлиқ янгиликлар, маълумотлар, бўлажак талабаларга маслаҳат ва тушунтиришлар бериб борилади.
Агарда қабул жараёни билан боғлиқ саволларингиз бўлса махсус саҳифа орқали савол йўллашингиз мумкин.
«Саволларга берилаётган жавоблар амалдаги норматив-ҳуқуқий ҳужжатларга асосланган бўлса-да, лекин расмий мақомга эга эмас. Берилган жавоблар тавсиявий характерга эга», — дейди лойиҳа муаллифлари.
Изоҳ (0)