Toshkent—Minsk—Toshkent yo‘nalishi bo‘yicha yangi muntazam aviaqatnov yo‘lga qo‘yilmoqda

“O‘zbekiston havo yo‘llari” Milliy aviakompaniyasi 2015-yilning 2-iyulidan Belarus poytaxti Minskka muntazam qatnovlarini boshlaydi. Toshkent—Minsk—Toshkent yo‘nalishi bo‘yicha HY709/710 qatnovlari haftasiga ikki marta – seshanba va payshanba kunlari bajariladi, deb xabar beradi “O‘zbekiston havo yo‘llari”.

Seshanba kungi qatnov Toshkentdan 18:50 da uchadi va Minskka 22:05 da yetib boradi. Minskdan 23:35 uchib ketadi va Toshkentga chorshanba kuni soat 06:20 da yetib keladi.

Payshanba kungi qatnov Toshkentdan 07:00 da uchadi va Minskka 10:15 da yetib boradi. Minskdan 11:45 uchib ketadi va Toshkentga soat 18:30 da yetib keladi.

Jadvalda soatlar har bir aeroport uchun mahalliy vaqtlarda ko‘rsatilgan.