БАА президенти шайх Халифа бин Зайд ал-Наҳаён муқаддас Рамазон ойи кириб келиши муносабати билан бутун мамлакат бўйлаб 879 нафар маҳбусни авф этилишини эълон қилди. Бу ҳақда Nur.kz хабар бермоқда.
Бундан ташқари, президент собиқ маҳбусларнинг мажбуриятлари ва қарзларини ҳам қоплаб бериш ҳақида кўрсатма берди.
«Президентнинг бу қарори уларга янги ҳаёт бошлаш учун имкон бериш ва уларнинг оилаларига фаровонлик келтириш истаги билан боғлиқ», - дейилади хабарда.
Мусулмонларнинг Ой тақвимига асосан, Рамазон йилнинг ҳисоб бўйича тўққизинчи ойи ҳисобланади. Бу ойда мусулмон тақводорлар тонг саҳардан қош қорайгунига қадар рўза тутади. Рамазон ойида рўза тутиш Исломнинг беш устунидан бири ҳисобланади.
Изоҳ (0)