Apple News айни вақтда мавжуд Newsstand илова-дастури ўрнини эгаллаши керак. Бу ҳақда, Apple сайтида 13 июнь куни пайдо бўлган бўш иш ўрни ҳақидаги эълонга асосланиб, Financial Times хабар бермоқда.
Эълонда қайд этилишича, муваффақиятли номзодлар «миллий, халқаро ва маҳаллий янгиликлар орасидан энг яхши ва энг янги материалларни топиб, узата билиши керак».
Apple News муҳаррирлигига номзодлар камида беш йил янгиликлар хизматида ишлаш тажрибасига ва «алгоритмлар ёрдамида топиш эҳтимоли кам бўлган оригинал, қизиқарли ҳикояларни саралай олиш» кўникмаларига эга бўлиши лозим.
Financial Times’нинг ёзишича, Apple мазкур вакансия ҳақида батафсил ахборот беришдан бош тортган.
Apple News иловаси ишга туширилиши ҳақида май ойи бошида маълум бўлди. У фойдаланувчининг қизиқишларини эслаб қолиб, шу асосда янгиликларни узатувчи агрегатор ҳисобланади.
Apple мазкур илова-дастур фаолиятини таъминлаш мақсадида Financial Times, New York Times, The Guardian ва The Economist каби нашрлар билан, уларнинг материалларини қайта чоп этиш бўйича шартномалар имзолаган.
Изоҳ (0)