Жанубий Кореядаги Сеул миллий университети мутахассислари инсоният тарихидаги «энг ясси» ёритувчи ускунани яратди, дея хабар бермоқда «Mail.ru». Унда кремний чипи ва графен бўлаклари қўлланилди.
Графенли лампочканинг қалинлиги бор-йўғи бир атомга тенг. Олимлар таъкидлашича, уларнинг кашфиёти шаффоф дисплейлар ҳамда ўта юқори қувватга эга иситувчи ускуналар ишлаб чиқишда янги сифатли даражага чиқиш имконини беради.
Графенли лампанинг афзаллиги шундаки, у ёруғликни ҳам, иссиқликни ҳам кўмирли ёки волфрам толали оддий моделлардан кўра 1000 марта самаралироқ ажратади.
Олимлар энди бундай кичик ёритувчи ускуналарнинг ёниб-ўчишини тезлаштириш, шунингдек лампочка ҳажмини янада ихчамлаштириш устида иш олиб бормоқчи.
Изоҳ (0)