Олимлар Марс сайёрасини деб Гавайи оролларида саккиз ой изоляцияда яшади

Олти олимдан иборат гуруҳ Гавайи оролларида 8 ой давом этган Марс тажбирасини якунлади. Бу ҳақда Associated Press хабар бермоқда.

Кўнгиллилар гуруҳи 2014 йилнинг 15 октябридан 2015 йилнинг 13 июнига қадар бир вақтнинг ўзида ҳам Марсга учиб кетаётган космик кема, ҳам Марсдаги база вазифасини бажарган изоляциядаги гумбаз ичида яшади.

Мажмуа уйқудаги Мауна-Лона вулқони ён-бағирларига қурилган эди. Ташкилотчиларнинг фикрича, тажриба иштирокчилари гумбаздан ташқарига чиққанларида, вулқон релефи уларга Марс манзараларини ёдга солиши керак эди (улар гумбаздан фақат сканфандрда чиқишлари мумкин бўлган).

Тажрибадан кўзланган асосий мақсад Марсга йўл оладиган фазовий кема экипажига таъсир қилиши мумкин бўлган когнитив, ижтимоий ва эмоционал омилларни таҳлил қилишдан иборат эди.

Дастлабки HI-SEAS миссияси 2013 йили ўтказилиб, тўрт ой давом этган, иккинчиси эса 2014 йилниг март июль ойларида ташкил этилиб, 120 кунга чўзилган.

Инсоннинг Марсга мўлжалланган узоқ муддатли экспедицияга руҳий ва жисмоний тайёргарлигинини текширишга қаратилган энг узоқ муддатли тажриба «Марс-500» ҳисобланади – Москвада ташкил этилган, 520 кун давом этиб, 2011 йил ноябрида якунига етган тадқиқотда уч россиялик, бир француз, бир итальян ва бир хитойлик қатнашган эди.