Сув устида жойлашгани билан машҳур бўлган Италиянинг Венеция шаҳрига одатда дарё ёки денгиз бўйида жойлашган шаҳарларни ўхшатишади. Бироқ на денгиз, на дарё устида жойлашмаган Тошкентнинг ҳам Венецияга ўхшаш қисми борлигидан кўпчилик тошкентликлар ҳам хабардор бўлмаса керак.
Facebook’даги X-Places (Tashkent) гуруҳи ташкилотчиси Рустам Ҳусанов ва таниқли ўлкашунос Борис Голендер томонидан Тошкентнинг эски шаҳар қисмида жойлашган ана шундай масканга саёҳат ташкил қилинди.
«Nasimov.uz»нинг ёзишича, Тошкент шаҳрига сув Чирчиқ дарёсидан Бўзсув канали орқали келади. Ўз навбатида Бўзсув тўртта асосий ирмоққа — Салор, Анҳор, Қорасув ва Кайковусга бўлинади, улар яна кичикроқ тармоқларга бутун шаҳар бўйлаб тарқалиб кетган.
«Тошкент Венецияси»ни эса Бўзсувнинг ўнг тармоғи бўлмиш Кайковус ариғи бўйларида учратиш мумкин. Эски шаҳарнинг бу қисмида худди Венециядагидек уйлардан тўғри кўчага эмас, балки каналларга чиқиладиган ҳолатга гувоҳ бўласиз.
Бу ҳудуд яқинида яна бир антиқа қурилмани кўриш мумкин: Анҳор Бўрижар каналининг устидан ўтган, бироқ иккала сув манбаси бир-бирига қўшилмаган.
Изоҳ (0)