Аргентина терма жамоаси ҳужумчиси Лионель Месси Парагвайга қарши учрашувдан сўнг ўйиннинг энг яхши футболчисига бериладиган мукофотни олишдан бош тортган, деб хабар беради «Championat.com».
Америка Кубогининг гуруҳ босқичи доирасидаги ўйин 2:2 ҳисобида якунланган. Аргентина ўйин давомида 2 тўп фарқи билан олдинда бораётиб, якунда ғалабани қўлдан чиқарганди.
«Барселона» футболчиси беллашувдан кейин ўз жамоасини танқид остига олди ва шунчалар норозилигидан мукофотни олишни истамади. Натижада ўйиннинг энг яхши футболчисига бериладиган мукофот парагвайлик Нельсон Вальдесга насиб этди.
Хабарда айтилишича, Месси бу ҳаракати учун жазоланмайди.
Изоҳ (0)