Зимбабве Республикаси ўз миллий валютасидан узил-кесил воз кечиб, АҚШ долларига ўтди, деб хабар бермоқда «Segodnya.ua». 15 июндан бошлаб маҳаллий пулларни алмаштириш мумкин бўлади.
Аввал хабар берилганидек, Зимбабведаги банк омонатчилари, агар уларнинг омонатлари миқдори маҳаллий долларда 175 квадриллионни ташкил этса, 5 АҚШ доллари миқдорида пул олади. Агар омонат миқдори 175 квадриллион доллардан ошса, у ҳолда 1 АҚШ доллари учун 35 квадриллион Зимбабве долларидан ҳисоблаб, пул чиқариб берилади.
Банкноталар ўзининг фантастик қиймати туфайли эсдалик сифатида катта талабга эга. Ҳар 250 триллион Зимбабве долларига 1 АҚШ доллари тўланмоқда. Валюта алмаштириш сентябрь ойида якунланиши кутилмоқда.
Зимбабве Республикаси 2008 йилда гиперинфляция бўйича жаҳон рекордини ўрнатган бўлиб, у расман 231 миллион фоизга баҳоланган. Энг йирик банкнота 2008 йилда чиқарилган 100 триллион Зимбабве доллари ҳисобланади — бу бир ҳафта автобусда юриш учун етмайди.
Изоҳ (0)