Ўзбекистон амалий санъат музейида Тошкент кашталари – палаклари кўргазмаси бўлиб ўтмоқда. Бу ҳақда «Жаҳон» ААга таяниб «Uz24.uz» хабар бермоқда.
Тадбирда ўзбек халқи бой тарихи ва маданияти ҳамда замонавий тараққиёти акс этган ноёб кашта намуналари намойиш қилинмоқда.
Тақдим қилинган артефактлар Тошкент қўл каштачилик мактаби томонидан ишланган XIX—ХХ асрларнинг энг яхши қўл кашталари намуналаридан иборат.
Маълумот учун, қўл каштаси Ўзбекистондаги энг қадимги анъаналардан бири ҳисобланади. Одатга кўра, ҳар бир қиз турмушга чиққунига қадар ўз қўли билан 10 дан ортиқ сўзана – қўл кашта тўқиши керак бўлади.
Ўзбек кашта санъати асрлар давомида шаклланган 11 ҳудудий мактаблардан иборат. Ҳар бир ҳудуд ўз ранги, кашта нақшлари ва бадиий уйғунлиги билан ажралиб туради.
Изоҳ (0)