Янги Зеландияда давом этаётган Ёшлар ўртасидаги Жаҳон чемпионатининг нимчорак финалидан ўрин олган учрашувда Ўзбекистон термаси Австрияга қарши баҳс олиб борди. Учрашувда ўзбекистонликлар 2:0 ҳисобида ғалаба қозонди, деб хабар беради «Uff.uz».
Ўйин асосан тенг курашлар остида кечди. Фақатгина Равшан Ҳайдаров шогирдлари юзага келган вазиятлардан унумли фойдаланиб, рақибни таслим этишга муваффақ бўлди.
Ўйин қаҳрамони Достонбек Ҳамдамов бўлди. У 47 ва 57-дақиқаларда иккита гол киритиб, Ўзбекистонга ғалаба келтирди. Бу вазиятларда унга Миржамол Қосимов тўпни етказиб берганини алоҳида таъкидлаш керак.
Энди Ўзбекистон ёшлар термаси Жаҳон чемпионатининг чорак финалида Сенегал термасига қарши баҳс олиб борадиган бўлди. Ўйин 14 июнь куни Тошкент вақти билан 09:30 да бошланади.
U-20 ЖЧ. 1/8 финал
Австрия U-20 — Ўзбекистон U-20 — 0:2 (0:0)Голлар: Достонбек Ҳамдамов (47, 57)Австрия U-20: Касали, Росенбихлер, Гугганиг, Лайнхарт, Михарл (Грубер, 50), Блуш (Крузер, 61), Бранднер, Гшвейдл (Грубек, 67), Лаимер, Раснер, ГриллишЎзбекистон U-20: Ҳамроев, Ашурматов, Абдуллаев, Қосимов (Шомуродов, 69), Ҳамробеков, Комилов, Соҳибов, Шукуров, Ғиёсов, Ҳамдамов (Нормуродов, 90+1), Ўринбоев.Огоҳлантиришлар: Ҳамдамов (39), Лейнхарт (45), Гриллиш (92).
Изоҳ (0)