Профессионал боксда фаолият олиб бораётган уч нафар ўзбекистонлик боксчи 13 июнь куни Украинада навбатдаги жангларини ўтказади. Черкасси шаҳридаги «Будивельник» спорт саройида ташкил этиладиган бокс кечасида ўзбекистонликлар украиналик боксчиларга қарши жанг қилади, деб хабар беради «Olamsport.com».
Жумладан, оғир вазн тоифасида фаолият олиб бораётган Мурод Азимов Сергей Радченко билан тўқнаш келади. Радченко фаолиятини энди бошлаган бўлса, Азимов 6 ғалаба, 3 мағлубият ва 1 дуранг қайд этган.
Super енгил вазндаги Мақсуд Жумаев Мишико Беселияга қарши жанг қилади. Беселия ўтказган 10 та жангининг барчасида зафар қучган. Жумаев эса 10 ғалаба, 8 мағлубият ва 1 дурангга эришган.
Ярим ўрта вазн тоифасидаги Ўзбекистон вакили Мансур Абдумаматов Илья Примак билан тўқнаш келади. Мансур 6 жангда фақат ғалаба қозонган. Рақиби эса 9 жангдан 8 тасини муваффақият билан якунлаган.
Украина, Черкасси, «Будивельник» аренаси
Оғир вазн тоифасиСергей Радченко [2-0-0, 0] – Мурод Азимов [6-3-1, 1]
Super енгил вазн тоифасиМишико Беселия [10-0-0, 7] – Мақсуд Жумаев [10-8-1, 6]
Ярим ўрта вазн тоифасиИлья Примак [8-1-0, 6] – Мансур Абдумаматов [6-0-0, 1]
Изоҳ (0)