SAP МДҲ ва Ўзбекистоннинг «Электрон ҳукумат» тизимини ривожлантириш маркази тадбиркорликни қўллаб-қувватлаш соҳасида меморандум имзолади, дея хабар бермоқда «Газета.uz» SAP МДҲ матбуот хизматига таяниб. Ҳужжат мамлакатдаги кичик ва ўрта бизнес учун SAP Business One ечими базасида миллий «булутли» инфратузилма ва IТ-платформа яратишни кўзда тутади.
Битимда назарда тутилган ҳамкорликдаги ташаббуслар SAP дастурий маҳсулотларини етказиб бериш, SAP Business One платформасидаги «булутли» инфратузилма билан ишлаш учун IТ-мутахассисларни тайёрлашда консультация хизматлари кўрсатиш, конференция ва давра суҳбатлари ўтказиш ва бошқаларни ўз ичига олади.
«Электрон ҳукумат» тизимини ривожлантириш маркази директори Шерзод Ҳабибуллаев сўзларига кўра, SAP экспертлари тажрибаси ва компания ечимлари ёрдамида марказнинг давлат, аҳоли ва бизнес ўртасидаги ҳамжиҳатликни янги даражага чиқариш мақсадини қисқа муддатларда амалга ошириш имкони юзага келади.
Изоҳ (0)