Латвия атроф-муҳит муҳофазаси ва минтақавий ривожланиш вазири Каспарс Герхардс 7 июнь, якшанба куни шахсий автомобилида ўткинчи аёлни уриб кетди, дея хабар бермоқда ТАСС Давлат полицияси вакилига таяниб. Жабрланувчи — 73 ёшли аёл касалхонага ётқизилган.
Полиция вакили сўзларига кўра, йўл-транспорт ҳодисаси чоғида сиёсатчи ҳушёр ҳолатда бўлган. Шошилинч тиббий ёрдам хизматидагилар аниқлик киритишича, автомобиль ғилдираги аёлнинг оёғини босиб ўтган. Жабрланувчи аёл суяги синишда гумон қилиниб, пойтахтдаги касалхоналардан бирига етказилди.