Май ойида дунё бўйича озиқ-овқат маҳсулотлари нархи 2009 йил сентябрдан буён энг паст кўрсаткичга тушди, дея хабар бермоқда «РИА Новости» БМТ Озиқ-овқат ва қишлоқ хўжалиги ташкилоти (FАО)га таяниб.
FAO’нинг озиқ-овқат маҳсулотлари нархи индекси май ойида ойлик ҳисобда 2,4 бандга ёки 1,4 фоизга 166,8 бандгача тушиб кетди. Йиллик ҳисобда эса кўрсаткич 43,6 бандга (20,7 фоизга) пасайди.
Дон, сут ва гўшт маҳсулотларининг нархи энг кўп пасайган бўлса, ёғ ва шакар, аксинча, қимматлашди.
Ташкилот дон маҳсулотларининг арзонлашувини бу йил ҳосил мўл бўлиши тўғрисидаги прогнозларга йўймоқда. Янги Зеландияда захиралар ўсгани ва Европага экспорт ҳажми ошгани эса сут маҳсулотлари нархининг тушишига олиб келди. Гўштнинг арзонлашишини эса АҚШдан экспорт қилинадиган гўшт миқдори камайгани ва парранда гриппи туфайли парранда гўштини импорт қилиш ҳажми пасайгани билан боғлашмоқда.
Изоҳ (0)