Урганч давлат университети ходимлари «Олий таълим муассасаси битирувчиларининг ишга жойлашиш мониторингини юритиш тизими» дастурини таклиф этди, дея хабар бермоқда Интеллектуал мулк агентлиги расмий сайти.
ЭҲМ дастури олий таълим муассасаларини битириб, ишга тақсимланаётган талаба (бакалавр ва магистр)ларнинг ишга жойлашиш мониторингини юритишга мўлжалланган. У Олий ва ўрта махсус таълим вазирлиги томонидан белгиланган меъёрий ҳужжатлар асосида ишлаб чиқилган ва асосан олий таълим муассасалари маркетинг бўлими ва факультетларда муваффақиятли ишлатилиши мумкин.
Дастур тармоқда ишлашга мўлжалланган ва веб-технологиялар асосида ишлаб чиқилган. У барча битирувчиларнинг ишга жойлашиш мониторингини юритиш учун зарур (қаерда ишлаётгани, ойлик иш ҳақи, ишга қабул қилинган санаси, буйруқ рақами ва шу каби) ахборотлар билан тўлдирилиб маълумотлар базаси ташкил қилинади, статистик ҳисоботлар шакллантирилади. Ҳаммуаллифларга ушбу дастур учун № DGU 03077 рақамли гувоҳнома берилди.
Изоҳ (0)