Тошкент шаҳрида 2015 йил 15 май куни Ўзбекистон Республикаси Олий Мажлиси Сенатининг иккинчи ялпи мажлиси очилди, дея хабар бермоқда ЎзА.
Аввал хабар берганимиздек, унда сенаторлар қатор қонунларни маъқуллади.
Бундан ташқари, сенаторлар Улуғбек Муҳаммадиевни Ўзбекистон Республикаси Олий Мажлиси Инсон ҳуқуқлари бўйича вакили (Омбудсман) этиб сайлаш тўғрисидаги масалани ҳам кўриб чиқди. Мазкур масала юзасидан тегишли қарор қабул қилинди.
«Газета.uz» ёзишича, Улуғбек Муҳаммадиев (1971 йилда туғилган) Олий Мажлис Қонунчилик палатасининг Халқаро масалалар ва парламентлараро алоқалар бўйича қўмитаси раиси ҳисобланади.
Бунгача омбудсманликни Сайёра Рашидова бажариб келган, у бу лавозимга 1995 йил декабрида сайланиб, кетма-кет тўрт марта беш йиллик муддатда ишлаган.
Изоҳ (0)