Бугун «Жар» стадионида Равшан Ҳайдаров бошчилигидаги Ўзбекистон ёшлар терма жамоаси Қирғизистон олимпиячиларига қарши ўртоқлик учрашуви ўтказди. Бу ҳақда Ўзбекистон Футбол федерацияси матбуот хизмати хабар берди.
Аввал Ўзбекистон У- 22’га қарши ўйнаган Қирғизистон олимпия терма жамоаси энди иккинчи учрашувда ўзларидан кичикроқ футболчилар билан назорат учрашувида майдонга тушди.
Ўйин аввалидаёқ Ўзбекистон ёшлар терма жамоаси ҳисобда олдинга чиқиб олди. Миржамол Қосимов ўйиннинг 6-дақиқасида ҳисобни очди. Биринчи бўлимда бошқа гол киритилмади.
Иккинчи бўлимни қирғизистонлик футболчилар фаолроқ бошлади. 50-дақиқада Қайрат Жиргалбекулу ҳисобдаги мувозанатни тиклади. Кўп ўтмай меҳмонлар пенальти ишлади ва уни Акрам Умаров аниқ амалга оширди – 2:1.
Бу ҳисоб ҳам узоқ вақт сақланиб турмади. 59-дақиқада заҳирадан майдонга тушган Жавоҳир Сиддиқов 60-дақиқада ҳисобни тенглаштирди. 2:2 ҳисоби ўйин сўнггига қадар ўзгармади.
Ўртоқлик учрашуви.
Ўзбекистон U20 - Қирғизистон U22 2:2
Голлар: Миржамол Қосимов (6), Жавоҳир Сидиқов (60) - Қайрат Жиргалбекулу (50), Акрам Умаров (55 пен.).
Изоҳ (0)