Италиянинг Тренто университети олимлари ўргимчак тўрининг мустаҳкамлигини оширувчи алоҳида технологияни ишлаб чиқишмоқда. Бу ҳақда «Корреспондент.net» хабар бермоқда.
Ушбу технология ёрдамида қулаётган самолётнинг бутун оғирлигини ушлаб қола олувчи материални ишлаб чиқиш мақсад қилинган.
Sky News телеканалининг қайд этишича, тадқиқотчилар гуруҳининг тўқувчи ўргимчаклар устида ўтказган тажрибалари натижасида ҳашаротлар одатдагидан 3,5 баробар мустаҳкамроқ тўр тўқишни бошлашган.
Агар олимларнинг тадқиқоти муваффақиятли якунланса, улар қулаётган самолётларни-да ушлаб қолишга қодир гибрид материални оммавий равишда ишлаб чиқаришга умид қилишмоқда.
Бироқ, телеканал маълумотларига кўра, ўргимчаклар устида олиб борилаётган тажриба кўнгилдагидек кетаётгани йўқ – бир қатор ўргимчаклар маълум муддатдан сўнг мустаҳкам бўлмаган тўр тўқишни бошлаган, бошқалари эса ўлиб қолган.
Изоҳ (0)