Дубайда яқин икки йил ичида тўлиқ қуёш энергияси билан таъминланадиган 170 хонали Indigo меҳмонхонаси қурилиб, фойдаланишга топширилади. Бу ҳақда «Segodnya.ua» хабар бермоқда.
Бинони экологик жиҳатдан максимал даражада фойдали қилиб қуриш кўзда тутилган. Масалан, ундаги барча оқова сувлар ва чиқиндилар қайта ишланади.
Меҳмонхонани қуриш билан шуғулланадиган компания ижрочи директори Фарис Саиднинг сўзларига кўра, меҳмонхона шаҳар электр тармоқларига ҳам улаб қўйилади.
Яъни, меҳмонхонада қуёш панеллари ёрдамида ишлаб чиқарилган ва меҳмонхона эҳтиёжларидан ортиб қолган электр энергиясини бошқа истеъмолчиларга сотиш мумкин бўлади.
Натижада меҳмонхона фойдаланадиган электр энергия нархи 25-30 фоизга арзонлашади.
Изоҳ (0)