Жанубий Африка Республикасида суд 30 апрель, пайшанба куни биринчи марта эвтаназия (тузалиб кетишига умид бўлмаган беморларнинг ҳаётига нуқта қўйиш)га рухсат берди, дея хабар бермоқда ТАСС.
«Даъвогарга шифокор кўмагидан фойдаланишга рухсат этилади, шифокор унга ўлим келтирувчи препарат беради ёки ўзи қабул қилишига қўйиб беради», — дея қарор чиқарди Претория Юқори суди судьяси. Бунда шифокорга ҳеч қандай жавобгарлик юкланмайди.
Эвтаназияга рухсат беришни сўраб судга 65 ёшли адвокат Робин Страншам-Форд мурожаат қилди, унда шифокорлар простата саратонини аниқлаган.