Украина ва НАТОнинг Алоқа ва ахборотлаштириш агентлиги 24 апрель, жума куни техник ҳамкорлик тўғрисидаги меморандумни имзолади. Бу ҳақда «Корреспондент.net» хабар бермоқда.
Қайд этишларича, ушбу келишув Маслаҳатлашувлар, қўмондонлик, бошқарув ва алоқа масалалари бўйича Украина-НАТО траст фондини ташкил этишга кўмак беради.
Ҳужжат Украина парламенти томонидан ратификация қилинганидан сўнг, у НАТОнинг ушбу агентлиги ва Украина ҳукумати ўртасидаги техник ҳамкорликни ривожлантиришга ҳам имкон беради.
S4 траст фондининг аниқ лойиҳалари НАТО давлатлари ва Украина ҳукумати ўртасидаги яқин ҳамкорликлар давомида келишиб олинади.
Аввалроқ, Украина президенти Пётр Порошенко 2015 йилга мўлжалланган Украина-НАТО ҳамкорлиги дастурини тасдиқлагани маълум бўлганди.
Изоҳ (0)