Шимолий Кореяда хорижлик сайёҳлар учун мўлжалланган иккинчи курорт очилиши режалаштирилмоқда. Бу ҳақда Жанубий Кореянинг Yonhap ахборот агентлиги хабар берди.
Мубонг махсус дам олиш маскани мамлакатнинг энг баланд нуқтаси бўлмиш Пэктусан тоғи яқинида барпо этилади. Баландлиги 2774 метр бўлган вулқон КХДРнинг Хитой билан чегарасида жойлашган.
2015 йил февраль ойида Хитой Россия ва КХДР билан чегара ҳудудида туристик зона ташкил қилишни таклиф қилган эди. Ушбу маскан ҳар бир давлат ҳудудида 10 километр квадрат ҳудудни эгаллаши кўзда тутилган.
Шимолий Кореяда хорижликлар учун илк дам олиш маскани 1998 йилда Кимгансан тоғида очилган. 2008 йилда шимолий кореялик аскар пляжда сайр қилиб юриб тақиқланган ҳудудга ўтиб қолган сайёҳни отиб қўйгач Жанубий Корея ўз фуқароларига ушбу курортга боришни тақиқлаб қўйган.
Изоҳ (0)