Россиялик эркак ахлоқ тузатиш колониясига телефонларни камон орқали отиб киритмоқчи бўлди

Россиянинг Вологда вилоятидаги 12-ахлоқ тузатиш колонияси хавфсизлик ва тезкор бўлими ходимлари мобил алоқа воситаларини ирғитиб отиш орқали етказиб бераётган фуқарони қўлга олди. Бу ҳақда Вологда вилояти бўйича Жазоларни ижро этиш федерал хизмати бошқармаси расмий сайти хабар берди. Ирғитиб отиш «Кобра» спорт камони орқали отиладиган найзалар ёрдамида амалга оширилган.

Ўқларнинг орқа учларига полимер материалдан қилинган таралар маҳкамланган бўлиб, уларга мобил алоқа қурилмалари жойланган. Улардаги 9 та телефон мусодара қилинган.

Фуқарога нисбатан маъмурий қонунбузарлик тўғрисида протокол тузилди, маъмурий тергов материаллари ҳукм чиқариш учун муроса судига юборилди.