«Тракторсози» билан ўйиндан кейинги матбуот анжуманида «Насаф» устози Рўзиқул Бердиев ва учрашувнинг энг яхши ўйинчиси Артур Геворкян иштирок этишди, деб хабар бермоқда «Olamsport».
«Табрик учун раҳмат. Ютганимиздан хурсандмиз. Аммо ҳали олдимиздаги вазифа бажарилмади. Гуруҳдан чиқиш учун ҳаракат қиламиз. Биринчи бўлимда мезбонлар жуда яхши ўйнашди ва яхши имкониятлар эга бўлишди. Иккинчи бўлимда қарши ҳужумда бизда имконият бўлишини билардик ва яратилган имкониятдан самарали фойдалана олдик. Омад биз томонда бўлди», — деб гап бошлади Бердиев.
— «Насаф» бугун ҳар доимгидек кучли кўринмади. Лекин яратилган 4 та имкониятдан самарали фойдаланди...
— Саволни тушундим. Ёмон ўйнасак ҳам очко олсак шу энг муҳими. Ҳақиқатан ҳам ташаббус ва имконият мезбонларда бўлди. Лекин биз уч очко олдик. ОЧЛда энг муҳими шу. Биринчи вазифамиз гуруҳдан чиқиш. Албатта ўйинимизни янада кучайтиришга ҳаракат қиламиз.
— Статисткага қарасак, мезбонлар ҳар томонлама устун бўлишди. «Насаф» ғалабага ҳақли эришдими?
— Биз ғалаба қозонган бўлсак-да, ҳали кейинги босқичга чиқмадик. Бугунги ўйинда статистика мезбонлар фойдасига бўлсада, энг муҳими биз натижага эриша олдик.
— Меҳмондўстлик ҳақида нима дея оласиз? Бугунги об-ҳаво ўйинга қанчалик таъсир қилди?
— Табризга иккинчи марта келишим. Одамлар ҳам меҳрибон, футбол билан яшашади. Ютқазса ҳам қўллаб-қувватлашади. Бизни ҳам яхши кутиб олишди. Об-ҳаво кечагига нисбатан бугун озроқ яхшироқ эди. Тўғри, бугун ҳам шамол эсди ва қайсидир ҳолатда бу икки томонга ҳам қийинчилик туғдирди.
Изоҳ (0)