«Кексаларни эъзозлаш йили» Давлат дастури ижросини таъминлаш ҳамда 9 май - Хотира ва қадрлаш куни муносабати билан «Камолот» ЙИҲ Самарқанд шаҳар Кенгаши томонидан «Фарзандлик бурчим» шиори остида «Камолот-taxi» лойиҳаси амалга оширилди. Бу ҳақда «Камолот» ЙИҲ Самарқанд шаҳар Кенгаши ахборот хизмати хабар берди.
Лойиҳага Ҳамид Олимжон номидаги мусиқа ва драма театри олдида старт берилди.
Лойиҳа доирасида 10 та такси Самарқанд шаҳри бўйлаб ҳаракатланиб, 200 нафарга яқин кекса онахон-у отахонларни ўз манзилларига бепул олиб бориб қўйди.
«Бу лойиҳадан нуроний отахонларимиз, онахонларимиз жуда хурсанд бўлдилар, - деди «Камолот» ЙИҲ Самарқанд шаҳар Кенгаши раиси Рахманов Жасур. - Ҳаттоки баъзи нуронийларимиз такси уларни манзилларигача бепул олиб боришига ишонмади».
Лойиҳада фаол қатнашган такси ҳайдовчилари ҳамда ёшлар «Камолот» ЙИҲ Самарқанд шаҳар Кенгаши томонидан муносиб тақдирланди.
Изоҳ (0)