Аргентиналик таниқли футболчи ва мураббий Диего Марадона Футбол ассоциациялари халқаро федерацияси (ФИФА) президенти Йозеф Блаттерни коррупцияда айблади, дея хабар бермоқда «ABC.es». Айбловлар Блаттернинг ФИФА президенти лавозимига бешинчи марта сайланиш учун илгари сурилиши билан боғлиқ.
«Блаттер порахўр. Бу одам умрида тўп тепмаган бўлса-да, чексиз ҳақ-ҳуқуққа эга. Иордания шаҳзодасидан ташқари, Блаттер билан ҳеч ким тенг кела олмайди», — деди Марадона.
Блаттер ва Иордания шаҳзодасидан ташқари, ФИФА президентлигига расмий номзодлар бўлиб «Реал» ва »Барселона» собиқ футболчиси Луиш Фигу ҳамда Нидерландия Қироллик футбол иттифоқи раҳбари Михаэль ван Праг ҳисобланади.
ФИФА президентлигига сайловлар 2015 йил 29 майга белгиланган.
Изоҳ (0)