Шотландиянинг «Патрик Сисл» футбол клуби ҳужумчиси Лайл Тейлор Монтсеррат миллий терма жамоаси сафида Курасао термасига қарши тўп суриш учун жуда узоқ йўлни босиб ўтди, дея хабар бермоқда «Segodnya.ua».
Миллий терма жамоа сафида илк учрашувини ўтказиш учун футболчи 12 та турли самолётда парвоз қилиб, 15 минг километрга яқин масофани босиб ўтди.
Учрашув 2:1 ҳисобида Курасаонинг ғалабаси билан тугади, термада дебют қилган Тейлор эса Монтсерратнинг ягона голига муаллифлик қилди.
«11 кун давомида мен 12 самолётда учдим ва икки марта паром орқали ҳаракатландим», − Тейлорнинг сўзларидан иқтибос келтирмоқда Daily Record.
«Менда оилам туғилиб ўсган мамлакат шарафини ҳимоя қилиш имконияти пайдо бўлган экан, бу саргузашт-саёҳатларнинг ҳеч қандай қийинчилиги йўқ», − дея қўшимча қилди футболчи.
Изоҳ (0)