Шимолий Европанинг беш давлати — Швеция, Норвегия, Исландия, Дания ва Финляндия мудофаа вазирлари Россияга қарши ҳаракат қилиш зарурати тўғрисида ҳамжиҳатликдаги декларацияни эълон қилди, деб ёзади Meduza. Улар Россиянинг хатти-ҳаракатларини Европа хавфсизлиги учун энг катта хатар деб атади.
Декларацияда «Россиянинг Украинага қарши тажовузи ва Қримнинг ноқонуний равишда босиб олиниши» ҳақида айтилади. «Улар сиёсий мақсадларига эришиш учун ҳарбий кучдан фойдаланишга тайёрлигини намойиш қилди», — дея таъкидлади вазирлар Россия ҳукумати сиёсати ҳақида гапирар экан.
Россияга қарши ҳаракат қилиш учун декларация муаллифлари биргаликда кўпроқ ҳарбий ўқув машқлари ўтказиш, разведка маълумотлари билан фаолроқ бўлишиш ва киберҳужумга қарши курашда ҳамкорлик қилишни таклиф этмоқда. Баёнотда, шунингдек Болтиқбўйи мамлакатлари билан ҳамкорлик қилиш зарурати ҳақида айтилади.
Изоҳ (0)