Facebook ижтимоий тармоғи асосчиси Марк Цукерберг ундан қалбаки ҳужжатлар асосида компания акциялари ярмини талаб қилган Нью-Йорк штати фуқароси Пол Селя билан электрон ёзишмаларини судга тақдим этиши керак. Бундай қарорни Нью-Йорк судьяси Вернон Бродерик 3 апрель, жума куни чиқарди, деб ёзади ТАСС.
Қарорга кўра, ёзишмалар 6 апрелга қадар адвокатларга тақдим этилиши керак.
Аввалроқ Марк Цукерберг билан судлашиб, Facebook’ни қўлга киритмоқчи бўлган ва оқибатда фирибгарликда айбланган Пол Селя ўзининг Нью-Йоркдаги уйидан изсиз йўқолгани хабар берилган эди.
Пол Селя 2010 йилда Марк Цукербергни судга бериб, Facebook’ни биргаликда яратганликларини ва унинг 84 фоизига ҳаққи борлигини таъкидлаган эди. Бироқ судда у буни исботлай олмади, тақдим этилган ҳужжатлар эса сохта деб эътироф этилди. Ўтган йил ноябрида эса Цукерберг ҳуқуқшунослари Селянинг адвокатларига қарши даъво берди.
Изоҳ (0)