Америкалик аёлнинг президент Барак Обама кортежи туфайли юзага келган тирбандликда кўзи ёриди, дея хабар бермоқда «Newsru.com». Ҳодиса Кентукки штати Луисвилл шаҳрида 2 апрель, пайшанба куни содир бўлди.
Шошилинч хизматга қўнғироқ қилишган, бироқ президент келишига кўчалар ёпиб қўйилгани учун шифокорлар аёлнинг ёнига етиб бора олмаган. Аёлга туғишда тирбандликда туриб қолган ҳамшира ёрдам берди. Бола эсон-омон туғилди. Чақалоқ ва унинг онасини тезда клиникага етказишди.
Эслатиб ўтамиз, ўтган йилнинг июлида ҳам Обаманинг кортежи туфайли Лос-Анжелесда ҳомиладор аёл туғруқхонага етиб олиш учун ярим соат кутиб ўтиришига тўғри келган эди.
Изоҳ (0)