Самарқанд вилоятида 2015 йилда умумий узунлиги 107,3 километр бўлган автойўлларни реконструкция қилиш кўзда тутилган. Бу ҳақда «Самавтойўл» автомобиллардан фойдаланиш минтақавий бошқармаси раҳбари Рауф Исоқов маълум қилди, деб хабар бермоқда «12news.uz».
Унинг сўзларига кўра, бундан 50 километри қишлоқ аҳоли пунктлари йўллари, 42,6 километри ички хўжалик автомобиль йўллари ҳисобланади. Бу мақсадлар учун жами 8,7 миллиард сўмдан ортиқ бюджет маблағлари ажратилган.
«Ҳозирги кунда 147 километри Самарқанд вилояти ҳудудидан ўтган Тошкент−Бухоро−Туркманбоши автомагистрали реконструкциясининг иккинчи босқичи якунланмоқда. Ушбу лойиҳа халқаро даражадаги Олма-ота−Бишкек−Тошкент−Термиз, Самарқанд−Айний, Самарқанд−Қарши магистраллари қурилиши ва таъмирланишини ҳам ўз ичига олувчи махсус инвестиция дастури доирасида амалга оширилмоқда. Ўтган йили 1 миллиард 208 миллион сўмлик ишлар бажарилди», − деди Исоқов.
Изоҳ (0)