Европа кенгаши Россия Федерациясига қарши секторли иқтисодий санкциялар камида йил охиригача давом этиши ҳақида сиёсий қарор қабул қилди, дея хабар бермоқда «Европейская правда» ЕИ Кенгаши қарорига таяниб.
ЕИ саммити қарори ҳуқуқий жиҳатдан мажбурий эмас ва ҳали «тасдиқланиши лозим». Шунингдек, Европа Кенгаши «ҳукуматнинг ислоҳотлар ўтказиш масаласида қилаётган ҳаракатларини тан олди». Нашр қайд этишича, бу Яценюк ҳукумати фойдасига айтилган илк ошкора далилдир. Шу пайтгача Брюссель ислоҳотларнинг етарлича тезкор бўлмаётганини доимий равишда танқид қилиб келар эди.
Ва ниҳоят, Евроиттифоқ Россия пропаганда машинаси каби муаммо борлигини эътироф этди. Энди ушбу «гибрид уруш»га қарши кураш учун Европа давлатларининг анча катта кучлари ва воситалари жалб этилади.
Изоҳ (0)