Италиялик нейрохирург Сержо Канаверо инсон бошини кўчириб ўтказиш бўйича илк операцияни 2017 йилда амалга оширишни режалаштираётганини маълум қилди, деб хабар бермоқда New Scientist.
Бошни кўчириш бўйича операциялар биринчи навбатда онкологик касалликлар ташхиси қўйилган, шунингдек ҳаракатлантирувчи нейронлар касалликларидан азият чекувчи беморларга мўлжалланган. Канаверо операцияда шу пайтгача фанда синаб кўрилган услубдан фойдаланади. 1970 йилларда боши алмаштирилган маймун 9 кун яшаган, бироқ кейин унинг иммун тизими бегона органларни рад этган.
Операцияни Лондонда ўтказиш режалаштирилмоқда. Янги тананинг донори сифатида мия ўлимини бошдан кечирган киши чиқади. Бемор ва донорнинг таналари музлатилгач, жуда ўткир пичоқлар ёрдамида бошлар бир вақтнинг ўзида бўйиндан кесиб олинади. Кейин орқа мия томонлари бир-бирига уланади. Қон томирлари ва мушаклар янги танага мослашгунча бемор тўрт ҳафта давомида кома ҳолатида қолдирилади. Комадан чиққач, у ҳаракат қилиши, юзини ҳис қилиши ва ўзининг «эски» овозида гапириши кутилмоқда.
Бироқ бундай операция тиббий этика соҳасида жиддий муаммоларга дуч келиши айтилмоқда. Масалан, янги тана эгасининг болаларининг биологик отаси донор бўлади, чунки уруғ ҳужайралари унга тегишли бўлади.
Изоҳ (0)