АҚШнинг Коннектикут штатида стоматолог Рашми Пател эҳтиётсизлик туфайли 64 ёшли бемор Жуди Ганнинг ўлимига сабаб бўлганликда айбланмоқда. Бу ҳақда Associated Press хабар берди.
Бир сеанс давомида унинг 20 та тишини суғуриб олган шифокор бўйнига, шунингдек далилларни қалбакилаштириш ҳам қўйилди. Дантистнинг ўзи бу айбловларни рад этмоқда. У айни пайтда 25 минг доллар гаров пули эвазига озодликка чиқарилган.
2014 йил декабрида штат стоматологлар комиссияси Пателнинг фаолияти тергов қилинаётган вақтда унинг шифокорлик лицензиясини тўхтатган эди. Ушбу ташкилот ҳисоботида айтилишича, стоматолог операцияни ўтказишда Ганнинг касаллик тарихини эътиборга олмаган. Бундан ташқари, у бемор аҳволининг ёмонлашганидан дарак берувчи аломатларни назардан четда қолдирган.
Изоҳ (0)