2014 йил якунларига кўра, Шимолий Америкадаги сланец ва бошқа конларни ҳисобга олмаганда, дунёда нефть ва газни қидириб топиш ҳажми 20 йил ичида энг паст даража — 16 миллиард баррель нефть эквивалентига тушиб қолди. Бу ҳақда IHS тадқиқотларига таяниб, «Ведомости» хабар берди.
Унда айтилишича, ушбу кўрсаткич кетма-кет тўртинчи йил тушиб бормоқда, ва бундай давомий тенденция 1950 йилларда кузатилган.
IHS таҳлилчиси Питер Жексон таъкидлашича, янги конлар сони ва уларнинг захиралари ҳажми хавотирли суръатларда қисқармоқда, бунга улардан фойдаланиш улар очилганидан бир неча йил ўтгач, бошланиши сабаб бўлади.
Маълумотларга кўра, 2014 йилда дунёда қидириб топилган конлар сони 1 фоизга камайган, ўтган йили эса захираси 500 миллион баррелдан ортиқ бўлган биронта ҳам йирик кон топилмаган.
Изоҳ (0)