Samsung’нинг ҳали расман тақдим этилмаган Galaxy S6 Edge смартфони аллақачон рекорд ўрната бошлади, дея хабар бермоқда «Российская газета».
AnTuTu бенчмаркида маҳсулдорлик синовида қурилма деярли 61 минг очко тўплади, бу айни пайтда рекорд рақам ҳисобланади. Бундан ташқари, ушбу бенчмарк шарофати билан, бўлажак флагманнинг техник хусусиятлари маълум бўлди.
Samsung Galaxy S6 Edge 5,1 дюйм 2560×1440 пикселли SuperAMOLED дисплей, саккиз ядроли Exynos 7420 процессори, 3 Гб тезкор ва 32 Гб ички хотира, 20 мегапикселли асосий ва 5 мегапикселли олд камерага эга бўлади. Смартфон Android 5.0.2 операцион тизимида ишлайди.
Нашрнинг эслатишича, компаниянинг флагман смартфони Samsung Galaxy S6 1 март куни тақдим этилади.
Изоҳ (0)