Google хавфсизлик текширувидан ўтган фойдаланувчиларга булутли «омбор»дан 2 Гб жой совға қилади

Google ўз сервиси орқали хавфсизликни текширувдан ўтказган фойдаланувчиларга булутли «омбор»да 2 Гб жой берилади. Бу ҳақда корпорация Google Drive лойиҳаси блогида маълум қилди, деб ёзади «Российская газета».

Текширувни бевосита Google’нинг ягона аккаунтида амалга ошириш мумкин.

Security Checkup линки орқали кириб, фойдаланувчи ўз телефон рақами, захирадаги электрон почтаси, Google аккаунти билан амалга оширилган сўнгги фаолиятни тасдиқлаши керак. Шундан сўнг у ягона аккаунт интерфейсига йўналтирилади, у ерда созламаларни давом эттириш мумкин.

Google таъкидлашича, жараён бор-йўғи бир неча дақиқа вақт олади.

Текширув бандларининг барчаси муваффақиятли ўтса, фойдаланувчига яшил «галочка»ларга эга хабар кўрсатилади, бу ҳаммаси жойида эканлигини билдиради ва уларни икки гигабайт кутади. Бироқ ундан 28 февралдан сўнг фойдаланиш мумкин бўлади.

Шартлар 10—17 февраль давомида кучда бўлади, ушбу санадан сўнг бонус тақдим этилмайди.