Google барча турдаги қурилмаларда оммабоплик бўйича «Яндекс»ни ортда қолдирди
Фойдаланувчилар бўйича рақобатда Google «Яндекс»ни ортда қолдирмоқда, дея хабар берди «Vedomosti.ru» Morgan Stanley таҳлилчиларига таяниб. Банк экспертлари 2012—2014 йилларда олиб борилган тадқиқотлар натижасида бундай хулосага келди.
Маълум бўлишича, Google авваламбор, мобил қурилмалар ва дастурлар фойдаланувчилари орасида оммабопдир. Бунда компанияга мобил қурилмалар учун ўз операцион тизими — Android борлиги ёрдам беради. Россиядаги смартфонларнинг 70 фоиздан ошиғи Android’да ишлайди.
«Яндекс»нинг обрўси шахсий компьютер фойдаланувчилари орасида катта бўлганига қарамай, ҳозирда улар ҳам Google’ни афзал кўрмоқда — бундайлар 83 фоизни ташкил этди. Балки бунда Google’нинг Chrome интернет-браузери ролда ўйнамоқдадир, дея тахмин этилади ҳисоботда.
